Qué mirauke !

FemmeOn p'tit viladje d'Ârdène. Li djon.ne feume èst tote seûle, achîje su l' banc pa-d'vant l' maujone. Èle sondje. C'èst l'èsté mins i chone qu'èle nè l' veut nin.
Là qu'arive one binde di gamins, on patronaje. I sont-st-au camp vélà, dins one pature addé l' bwès. Avou zèls, gn-a on vicaîre.
Quand èle veût les èfants, li feume prind s'tièsse dins sès mwins èt c'mincî à braîre sins brût.
Li vicaîre lî d'mande:
- Vos chonoz bin maleureûse, madame. Qu'èst-ce qui gn-a qui n' va nin ?
- Â mossieû l'curé ! I gn-a iût-ans qui dj' so mâriéye, èt dji n'a co pont d'èfant. Li docteûr dit qu'on n' pout rin fé à ça.
- Li docteûr quèquefîye. Mins l' Bon Dieu pout tot arindjî. Savoz bin qwè ? Dji m' va à Lourdes li mwès qui vint. Dji mètrè one tchandèle por vos à l' bôme.
Fillette - Mèrci brâmint des côps, mossieû l' curé.

Dîj ans pus taurd, li curé r'passe pa l' viladje, èt s' dîre:
- Dji m' va alér veûy si l' feume a ieû on-èfant.
I toke à l'uch. One pitite crapôde lî vint douviè.
- Bondjoû mi ptite fèye. Dji so bin binauje di vos veûy. Dijoz one miète, avoz on p'tit frére, one pitite soû ?
- Oyi don mossieû l'curé. Dj'a quat' fréres èt trwès soûs.
- À la bone eûre ça ! Dji vôreu bin veûy vosse moman po l' bistoker.
- Èle n'èst nin là. Èlle è-st-à l'matèrnité. Pârèt qu' c'è-st-one djèrmale.
- Èt vosse pa d'abôrd ?.
- Ô li, il è-st-èvôye po Lourdes. Po-z-aler distinde one tchandèle.


Retour à la page d'où vous venez
Page d'accueil de Éghezée Web Infos